حارث رؤف انجری کا شکار ہوکر کاؤنٹی چیمپئن شپ کے اگلے میچ سے باہر

پاکستان کرکٹ ٹیم کے فاسٹ بولر حارث رؤف انجری کا شکار ہوکر کاؤنٹی چیمپئن شپ کے اگلے میچ سے باہر ہوگئے۔

حارث رؤف کو یارک شائر کی میڈیکل ٹیم نے ایک ہفتے کے آرام کا مشورہ دیا ہے، حارث رؤف ایسکس کے خلاف یارک شائر کی نمائندگی نہیں کریں گے۔

حارث رؤف کو کیٹ کے خلاف میچ کے دوران بائیں جانب کھچاؤ محسوس ہوا تھا۔ یارکشائر کے ہیڈکوچ اوٹس گبسن کا کہنا ہے کہ حارث رؤف کے اسکین کروائے گئے لیکن انجری سنجیدہ نوعیت کی نہیں، ایک ہفتے کے آرام کے بعد امید ہے حارث رؤف میسر ہوں گے۔

اوٹس گبسن نے کہا کہ حارث رؤف اگلے میچ میں یارکشائر کی نمائندگی نہیں کریں گے۔

یارکشائر کا اگلا کاؤنٹی چیمپئن شپ کا میچ ایسکس کے خلاف 5 مئی سے چیمسفورڈ میں شیڈول ہے۔