Home انٹرنیشنل زندہ افراد کو تابوت میں ڈال کر سمگل کرنے کی کوشش

زندہ افراد کو تابوت میں ڈال کر سمگل کرنے کی کوشش

دنیا بھر میں اکثر ایسی دلچسپ و عجیب خبریں پڑھنے کو ملتی ہیں جو ہر ایک کو حیران کر دیتی ہیں، ایسی ایک خبر امریکا سے آئی ہے جہاں پر زندہ افراد کو تابوت میں ڈال کر سمگل کرنے کی کوشش کی گئی۔

امریکی ریاست ٹیکساس کے شہری نے امریکا کے جھنڈے میں لپٹے تابوت میں دو افراد کو سمگل کرنے کی کوشش کا اعتراف کیا ہے۔

اے ایف پی نے امریکی عدالت انصاف کا حوالہ دیتے ہوئے کہا ہے کہ 33 سالہ مشتبہ شخص کو میکسیکو کی سرحد کے قریب سے پکڑا گیا۔

فیڈرل پراسیکیوٹر جینفیر لوری کے دفتر سے جاری بیان میں بتایا گیا کہ میکسیکو کی سرحد کے قریب گاڑی میں تابوت لے جانے والے شخص کا شک کی بنا پر جائزہ لیا گیا۔ واردات کو ایسا رنگ دینے کی کوشش کی گئی جیسے جنگ میں ہلاک ہونے والے فوجیوں کی میتوں کو لے جایا جاتا ہے۔

بیان کے مطابق اہلکاروں کی جانب سے کیے جانے والے سوال کے جواب میں زچری بلڈ نے جواب دیا کہ وہ ’بحریہ کے ہلاک سپاہیوں کے تابوت لے کر جا رہے ہیں۔‘

امریکی محکمہ انصاف کے مطابق تابوت کی حالت کافی خراب تھی اور اس پر امریکی پرچم کو ٹیپ کے ذریعے جوڑا گیا تھا۔

سکیورٹی اہلکاروں کی جانب سے مزید تحقیق پر معلوم ہوا کہ تابوت میں موجود دونوں افراد زندہ تھے جو امریکا میں غیرقانونی طور پر موجود تھے، دونوں افراد نے اعتراف کیا وہ ریور گرانڈے دریا کو پار کے کے امریکا میں داخل ہوئے تھے اور ایک شخص کو ٹیکساس کے شہر سان انتیونیو لے جانے کے لیے پیسے دیے تھے۔ اس جرم کی پاداش میں زچری بلڈ کو 5 برس قید کے علاوہ دو لاکھ 50 ہزار ڈالر کا جرمانہ بھی ہو سکتا ہے۔

LEAVE A REPLY

Please enter your comment!
Please enter your name here

Must Read

اسپین کا گھروں میں رہ کر کام کرنے والے افراد کیلئے نیا ویزا پروگرام

اسپین نے یورپی یونین سے باہر کے ممالک سے تعلق رکھنے والے شہریوں کے لیے 'ڈیجیٹل نوماڈ' ویزا پروگرام شروع کرنے...

منی لانڈرنگ کیس : جیکولین فرنینڈس گرفتار ہونے سے بچ گئیں

بالی وڈ اداکارہ جیکولین فرنینڈس کو منی لانڈرنگ کیس میں عبوری ضمانت مل گئی۔ بھارتی میڈیا کے...

قذافی اسٹیڈیم میں پاک انگلینڈ سیریز کی تیاریاں، رنگ و روغن کردیا گیا

پاکستان اور انگلینڈ کے درمیان ٹی 20 سیریز کے بقیہ تین میچز کا آغاز 28 ستمبر سے لاہور میں ہوگا۔

عامر لیاقت سے شادی سےکافی عرصہ پہلے سے شوبز میں کام کر رہی تھی: سیدہ طوبیٰ

پاکستان کی ابھرتی ہوئی اداکارہ اور مرحوم عامر لیاقت حسین کی سابقہ اہلیہ سیدہ طوبیٰ انور نے شوبز انڈسٹری میں آنے...

چائے پینے والے افراد روزانہ کتنی پلاسٹک کھا رہے ہیں؟

کراچی کی دودھ پتی چائے میں بھی مائیکر و پلاسٹک کی آلودگی کا انکشاف ہوا ہے۔ جناح...