Home انٹرنیشنل والدین کی ویکسینیشن بھی بچوں کو کووڈ سے بچانے میں مددگار

والدین کی ویکسینیشن بھی بچوں کو کووڈ سے بچانے میں مددگار

والدین اور گھر میں ویکسینز کے اہل افراد کی ویکسینیشن چھوٹے بچوں کو کووڈ 19 سے بچانے میں مددگار ثابت ہوسکتی ہے۔

طبی جریدے جرنل سائنس میں شائع تحقیقی رپورٹس میں دریافت کیا گیا کہ والدین کی ویکسینیشن سے ان کے ویکسینز سے محروم بچوں میں کورونا وائرس سے متاثر ہونے کا خطرہ کم ہوجاتا ہے۔

اسرائیل میں ہونے والی ایک تحقیق میں پہلے جنوری سے مارچ 2021 کے دوران کے ڈیٹا کو دیکھا گیا جب کورونا کی قسم ایلفا پھیل رہی تھی اور پھر جولائی سے ستمبر 2021 کے ڈیٹا کا جائزہ لیا گیا جب ڈیلٹا قسم تیزی سے پھیل رہی تھی۔

جنوری سے مارچ کے دوران وہاں کسی بھی عمر کے بچوں کو ویکسینز کے لیے اہل قرار نہیں دیا گیا تھا جبکہ دوسرے مرحلے میں 12 سال یا اس سے زائد عمر کے بچوں کی ویکسینیشن ہورہی تھی۔

محققین نے دریافت کیا کہ ایسے بچے جو کسی ایسے گھر میں رہ رہے ہیں جن کے والدین میں سے کسی ایک کی بھی ویکسینیشن ہوچکی ہے تو ان بچوں میں کووڈ سے متاثر ہونے کا خطرہ 26 فیصد تک کم ہوگیا۔

اسی طرح ڈیلٹا کی لہر کے دوران بھی یہ تحفظ بچوں کو دستیاب رہا مگر شرح 26 سے گھٹ کر 20.8 فیصد ہوگئی۔

تحقیق میں یہ بھی بتایا گیا کہ اگر بچے ایسے گھر میں مقیم تھے جہاں ماں اور باپ دونوں کی ویکسینیشن ہوچکی ہے تو ایلفا کی لہر میں بیماری کا خطرہ 71.7 فیصد جبکہ ڈیلٹا کی لہر میں 58.1 فیصد تک کم ہوگیا۔

محققین نے بتایا کہ والدین کی ویکسینیشن سے بھی ویکسینز سے محروم کو ٹھوس تحفظ ملتا ہے۔

دوسری تحقیق میں گھر کے افراد، کیسز کی شرح اور ویکسینز کے بلاواسطہ تحفظ کے درمیان تعلق کی جانچ پڑتال کی گئی۔

محققین نے دریافت کیا کہ ڈیلٹا قسم کے پھیلاؤ سے قبل جن افراد کو ویکسینیشن کے بعد بیماری کا سامنا ہوا، وہ ویکسینیشن نہ کرانے والے افراد سے کم متعدی ہوتے ہیں۔

تحقیق میں بتایا گیا کہ ڈیلٹا سے قبل فائزر ویکسین کی افادیت ویکسینیشن کے 10 سے 90 کے دوران 91.8 فیصد تھی جبکہ ڈیلٹا کی لہر میں افادیت کی شرح 65.5 فیصد تک گھٹ گئی۔

مگر ویکسین کی افادیت میں کمی کے باوجود محققین نے دریافت کیا کہ والدین کی ویکسینیشن سے بچوں کو بیماری سے کافی حد تک تحفظ ملا۔

LEAVE A REPLY

Please enter your comment!
Please enter your name here

Must Read

اسپین کا گھروں میں رہ کر کام کرنے والے افراد کیلئے نیا ویزا پروگرام

اسپین نے یورپی یونین سے باہر کے ممالک سے تعلق رکھنے والے شہریوں کے لیے 'ڈیجیٹل نوماڈ' ویزا پروگرام شروع کرنے...

منی لانڈرنگ کیس : جیکولین فرنینڈس گرفتار ہونے سے بچ گئیں

بالی وڈ اداکارہ جیکولین فرنینڈس کو منی لانڈرنگ کیس میں عبوری ضمانت مل گئی۔ بھارتی میڈیا کے...

قذافی اسٹیڈیم میں پاک انگلینڈ سیریز کی تیاریاں، رنگ و روغن کردیا گیا

پاکستان اور انگلینڈ کے درمیان ٹی 20 سیریز کے بقیہ تین میچز کا آغاز 28 ستمبر سے لاہور میں ہوگا۔

عامر لیاقت سے شادی سےکافی عرصہ پہلے سے شوبز میں کام کر رہی تھی: سیدہ طوبیٰ

پاکستان کی ابھرتی ہوئی اداکارہ اور مرحوم عامر لیاقت حسین کی سابقہ اہلیہ سیدہ طوبیٰ انور نے شوبز انڈسٹری میں آنے...

چائے پینے والے افراد روزانہ کتنی پلاسٹک کھا رہے ہیں؟

کراچی کی دودھ پتی چائے میں بھی مائیکر و پلاسٹک کی آلودگی کا انکشاف ہوا ہے۔ جناح...