پاکستان سپر لیگ(پی ایس ایل) کے ساتویں ایڈیشن کے میچ میں جیسن روئے کی جارحانہ سنچری کی بدولت کوئٹہ گلیڈی ایٹرز نے لاہور قلندرز کو 7وکٹوں سے شکست دے کر رواں سیزن میں دوسری فتح حاصل کرلی۔
نیشنل اسٹیڈیم کراچی میں کھیلے گئے لیگ کے 15ویں میچ میں کوئٹہ گلیڈی ایٹرز نے ٹاس جیت کر لاہور قلندرز کو پہلے بیٹنگ کی دعوت دی۔
قلندرز نے اننگز کا آغاز کیا تو اوپنرز فخر زمان اور عبداللہ شفیق نے ایک مرتبہ پھر ٹیم کو بہترین آغاز فراہم کرتے ہوئے 61رنز کی ساجھے داری قائم کی۔
