Home کھیل آسٹریلیا کا دورۂ پاکستان کیلئے مضبوط ٹیسٹ اسکواڈ کا اعلان

آسٹریلیا کا دورۂ پاکستان کیلئے مضبوط ٹیسٹ اسکواڈ کا اعلان

آسٹریلیا نے جسٹن لینگر کے کوچ کے عہدے سے مستعفی ہونے کے بعد اگلے ماہ دورۂ پاکستان کے دوران 3 میچز پر مشتمل ٹیسٹ سیریز کے لیے اپنے مضبوط اسکواڈ کا اعلان کردیا۔

غیر ملکی خبر رساں ایجنسی ‘رائٹرز’ کے مطابق آسٹریلیا کی ٹیم تقریباً 25 سال بعد پاکستان کا دورہ کرے گی اور یہ سیریز 2019 کی ایشز سیریز میں انگلینڈ کا سامنا کرنے کے بعد ٹیسٹ میچز کے لیے پہلا غیر ملکی دورہ ہوگا۔

فاسٹ باؤلر جوش ہیزل ووڈ کی انجری سے ریکور ہونے بعد ٹیم میں واپسی ہوئی ہے، جبکہ آسٹریلیا کی انگلینڈ کے خلاف ایشز سیریز میں 0-4 سے شاندار کامیابی میں نمایاں کارکردگی کا مظاہرہ کرنے والے اسکاٹ بولینڈ نے پیٹ کمنز کی کپتانی میں ٹیم میں اپنی جگہ برقرار رکھی ہے۔

یہ بھی پڑھیں: جب تک آسٹریلیا کو آسٹریلیا میں شکست نہیں دیتے چین سے نہیں بیٹھیں گے، رمیز راجا

اس پیش رفت سے گزشتہ سال کے اواخر میں انگلینڈ اور نیوزی لینڈ دونوں کے دورہ پاکستان سے پیچھے ہٹنے کے بعد سیکیورٹی مسائل کی وجہ سے سینئر کھلاڑیوں کے دورے سے دستبردار ہونے کے خدشات غلط ثابت ہوگئے ہیں۔

1998 کے بعد سے کسی بھی آسٹریلوی ٹیم نے پاکستان کا دورہ نہیں کیا۔

سلیکٹر جارج بیلی نے کہا کہ اس اسکواڈ میں ان تمام حالات کو مدنظر رکھا گیا ہے جس میں یہ حقیقت بھی شامل ہے کہ آسٹریلیا کے آخری دورہ پاکستان کو طویل عرصہ گزر چکا ہے۔

مزید پڑھیں: آسٹریلوی کرکٹ ٹیم کے دورہ پاکستان کا نیا شیڈول جاری

انہوں نے کہا کہ برصغیر کے متعدد دوروں اور عنقریب بھارت میں ہونے والے ایک روزہ ورلڈ کپ کے ساتھ کامیاب ہوم ایشز سیریز کے بعد اب یہ دورہ گروپ کے لیے ایک بڑا چیلنج ہے۔

ان کا کہنا تھا کہ یہ دورہ اس لحاظ سے بھی تاریخی ہوگا کہ یہ آسٹریلیا کی ٹیم کے آخری دورہ پاکستان کے طویل عرصے بعد منعقد ہو رہا ہے۔

اسکواڈ میں شامل ایشٹن ایگر واحد کھلاڑی ہیں جنہوں نے ایشز سیریز میں حصہ نہیں لیا، جو جسٹسن لینگر کی استعفے سے قبل بطور انچارج آخری سیریز تھی۔

یہ بھی پڑھیں: آسٹریلیا کی ٹیم کے تمام کھلاڑی دورۂ پاکستان کیلئے بھرپور تیار

اس دورے کے دوران آسٹریلین ٹیم کی قیادت عبوری کوچ اینڈریو میکڈونلڈ کریں گے۔

پاکستان اور آسٹریلیا کے درمیان پہلا ٹیسٹ میچ 4 مارچ کو راولپنڈی میں شروع ہوگا، دوسرا میچ 12 مارچ سے کراچی میں ہوگا جبکہ آخری ٹیسٹ کی میزبانی 21 مارچ سے لاہور کرے گا۔

دونوں ممالک 3 ایک روزہ میچز اور ایک ٹی ٹوئنٹی میچ بھی کھیلیں گے، اس کے لیے آسٹریلیا کی ٹیم کا علیحدہ سے اعلان کیا جائے گا۔

آسٹریلیا ٹیسٹ اسکواڈ: پیٹ کمنز (کپتان)، ایشٹن ایگر، اسکاٹ بولینڈ، ایلکس کیری، کیمرون گرین، مارکس ہیرس، جوش ہیزل ووڈ، ٹیوس ہیڈ، جوش انگلیس، عثمان خواجہ، مارنس لوباشانے، نیتھن لیون، مچل مارش، مائیکل نیسر، اسٹیو اسمتھ، مچل اسٹارک، مچل سویپسن اور ڈیوڈ وارنر

LEAVE A REPLY

Please enter your comment!
Please enter your name here

Must Read

مایوس نہیں ہونا’ یہ نظام ضرور بدلے گا

تحریر؛ ناصف اعواناس وقت دیکھا جا سکتا ہے کہ ملک میں شدید سیاسی بحران ہے فریقین باہم دست گریبان ہیں اور...

حق کا انعام عقل سلیم

منشاقاضیحسب منشا وہ قافلے , وہ کارواں , وہ جماعتیں , وہ ادارے , وہ تنظیمیں جن...

عمران خان پورے کا پورا توشہ خانہ ہی کھاگئے: طلال چوہدری

 طلال چوہدری نے کہا کہ عمران خان نے ملک کا جو نقصان کیا ہے اس کے ازالے کے لیے قانونی کارروائی...

سابق وفاقی وزیر مرزا ناصر بیگ کا پی ٹی آئی میں شمولیت کا اعلان

لودھراں : پی پی 224 اور 228 کےضمنی الیکشن کی انتخابی مہم کے دوران سابق وفاقی وزیر مرزا ناصر بیگ نے...

واپسی کیلئے کسی لیگی رہنما کی اجازت نہیں چاہیے، نوازشریف کا حکم کافی ہے: اسحاق ڈار

سابق وزیر خزانہ اسحاق ڈار کا کہنا ہے کہ انہوں نے پاکستان واپسی کا فیصلہ نواز شریف کے کہنے پر کیا۔