Home پاکستان بی اے پی نے وزارت نہ ملنے پر وفاق سے اتحاد ختم...

بی اے پی نے وزارت نہ ملنے پر وفاق سے اتحاد ختم کرنے کی دھمکی دیدی

اسلام آباد(سٹاف رپورٹر) بلوچستان عوامی پارٹی نے وزارت نہ ملنے پر وفاقی حکومت کو ساتھ چھوڑنے کی دھمکی دے دی اور ایوان سے واک آؤٹ کرگئی جس پر پیپلز پارٹی نے انہیں اپوزیشن بینچوں پر آنے کی پیشکش کردی۔

وفاقی حکومت کی مشکلات میں اضافہ ہوگیا، اتحادی جماعت بلوچستان عوامی پارٹی (بی اے پی) نے وزارت نہ ملنے پر حکومت کا ساتھ چھوڑنے کی دھمکی دے دی۔

آج سینیٹ کا اجلاس اسپیکر کی زیر صدارت منعقد ہوا جس میں اتحادی جماعت بلوچستان عوامی پارٹی (باپ) نے کابینہ میں نمائندگی کا مطالبہ کردیا اور کہا ہے کہ اگر کابینہ میں نمائندگی نہیں دی گئی تو ہم حکومت کا ساتھ نہیں دیں گے۔

ان کے واک آؤٹ پر پیپلز پارٹی نے بلوچستان عوامی پارٹی کو اپوزیشن کی بنچوں پر آنے کی پیشکش کردی۔ سینیٹرشیری رحمان نے کہا کہ گزارش ہے کہ بی اے پی اپوزیشن بنچز پر آجائے، اپوزیشن ان کے مسائل اور محرومیوں کا خاتمہ کرے گی۔

بھارت میں حجاب کے خلاف مہم پر انہوں ںے کہا کہ ہندوستان میں باحجاب خاتون کے خلاف رویے کی مذمت کرتے ہیں، عالمی ادارے بھی اس واقعے کی مذمت کریں۔

شیری رحمان نے کہا کہ اس وقت ملک مشکل و بحرانی کیفیت میں ہے، وزیراعظم نے کل امریکا کے بارے میں پالیسی بیان دیا لیکن دوسری طرف وزیر خارجہ نے کچھ اور بیان دیا ہے، اس سے لگتا ہے کہ ہماری خارجہ پالیسی کنفیوژن کا شکار ہے، وزیراعظم کو اس طرح کے متنازع بیانات نہیں دینے چاہیئں۔

انہوں نے مزید کہا کہ ہمیں وضاحت دی جائے کہ پاکستان کی خارجہ پالیسی کونسی ہے؟ وزیراعظم والی یا وِزیر خارجہ والی؟ وزیراعظم یا وزیر خارجہ اس حوالے سے ایوان میں آکر وضاحت دیں۔

بی اے پی کے واک آؤٹ کے بعد میڈیا سے گفتگو کرتے ہوئے وفاقی وزیر شبلی فراز کا کہنا تھا کہ بی اے پی کا مطالبہ ہے کہ بلوچستان کے عوام کی مشکلات حل کرنے کے لیے انہیں وفاق سے سپورٹ درکار ہے جو ہم انہیں دے رہے ہیں، بلوچستان عوامی پارٹی والے ہمارے اتحادی ہیں اور رہیں گے۔

انہوں نے کہا کہ بی اے پی نے اپنے بیانات میں کہا ہے کہ وہ وزیراعظم کو مکمل سپورٹ کرتے ہیں، بلوچستان عوامی پارٹی کا مطالبہ ناجائز نہیں ہے، وزیراعظم میرٹ پر ان کی گزارشات سنیں گے اور فیصلہ کریں گے۔

LEAVE A REPLY

Please enter your comment!
Please enter your name here

Must Read

ہر اسکریچ کارڈ پر 5 روپے اضافی وصولی، کمپنی کا مؤقف سامنے آگیا

پاکستان میں آپریٹ کرنے والی ایک غیر ملکی موبائل کمپنی نے اخراجات میں اضافے کو جواز بنا کر صارفین سے ہر...

فریضہ حج کی ادائیگی کیلئے آنے والے 5 پاکستانی عازمین انتقال کرگئے

مکہ مکرمہ : فریضہ حج کی ادائیگی کیلئے سعودی عرب جانے والے 5 پاکستانی عازمین انتقال کرگئے۔

ملک میں سونا مزید سستا ہوگیا

ملک میں آج ایک تولہ سونے کی قیمت میں 350 روپے کی کمی ہوئی ہے۔ سندھ صرافہ...

اسحاق ڈار کو نیا پاسپورٹ مل گیا، پاکستان واپسی کی تیاریاں بھی مکمل: ذرائع

ن لیگ کے رہنما اور سابق وزیر خزانہ اسحاق ڈار کو نیا پاکستانی پاسپورٹ مل گیا۔ قابل...

انگلینڈ کے ورلڈکپ وننگ کپتان اوئن مورگن انٹرنیشنل کرکٹ سے ریٹائر

انگلینڈ کے ورلڈکپ وننگ کپتان اوئن مورگن نے انٹرنیشنل کرکٹ سے ریٹائرمنٹ کا اعلان کردیا۔ انگلینڈ نے مورگن کی...