بولی وڈ کی ’ڈسکو کنگ‘ کہلائے جانے والے موسیقار و گلوکار آلوکیش لہری المعروف بپی لہری کی آخری رسومات ادا کردی گئیں۔
بپی لہری 16 فروری کی صبح کو کچھ عرصہ علیل رہنے کے بعد 69 برس کی عمر میں چل بسے تھے، انہوں نے 6 دہائیوں تک موسیقی میں خدمات سر انجام دیں۔
بپی لہری کی آخری رسومات ریاست مہاراشٹر کے ولے پارلے شمشمان گھاٹ میں ادا کی گئیں اور ان کے بیٹے نے آخری رسومات ادا کیں۔
خبر رساں ادارے ’ایشین نیوز انٹرنیشنل‘ (اے این آئی) کے مطابق بپی لہری کی آخری رسومات میں ان کے تمام اہل خانہ اور شوبز شخصیات سمیت سیاسی و سماجی شخصیات نے بھی شرکت کی۔
