Home انٹرٹينمنٹ ’صنف آہن‘ کی شوٹنگ کے وقت 101 بخار تھا، یمنیٰ زیدی

’صنف آہن‘ کی شوٹنگ کے وقت 101 بخار تھا، یمنیٰ زیدی

اداکارہ یمنیٰ زیدی نے نشر کیے جانے والے ڈرامے ’صنف آہن‘ میں اپنے کردار کی تعریفیں ہونے کے بعد انکشاف کیا ہے کہ انہوں نے مذکورہ ڈرامے کے متعدد سینز سخت بخار کے دوران بھی شوٹ کروائے۔

ہدایت کار ندیم بیگ کے ڈرامے کو ’اے آر وائے ڈیجیٹل‘ پر نشر کیا جا رہا ہے اور اب تک اس کی ایک درجن سے زائد قسطیں نشر کی جا چکی ہیں۔

ڈرامے کی کہانی جیسے جیسے آگے بڑھ رہی ہے، ویسے ویسے اس کی مقبولیت میں بھی اضافہ ہو رہا ہے اور شائقین بھی اس کی تعریفیں کرنے پر مجبور ہیں۔

یہ بھی پڑھیں: ’صنف آہن‘: کبریٰ خان اور یمنیٰ زیدی کے کرداروں کے ٹیزر جاری

تنقید نگار اور مبصر بھی ڈرامے کی ہر قسط پر اچھے تبصرے کر رہے ہیں، حال ہی میں تجزیہ نگار لبنیٰ فریال نے جب یمنیٰ زیدی کی اداکاری اور ان کے سلیوٹ کرنے کے ایک سین کی تعریفیں کیں تو اداکارہ نے بھی مذکورہ منظر کی شوٹنگ سے متعلق انکشاف کیا۔

لبنیٰ فریال المعروف اماں جی کی تعریف کے بعد یمنیٰ زیدی نے ان کا شکریہ ادا کرتے ہوئے انسٹاگرام اسٹوری میں انکشاف کیا کہ ’صنف آہن‘ میں سلیوٹ کرنے کے سین کی شوٹنگ کے وقت انہیں 101 بخار تھا۔

اداکارہ کے مطابق سخت بخار کے باوجود انہوں نے وطن اور اپنے پیشے سے محبت کی خاطر ڈرامے کی شوٹنگ کو جاری رکھا۔

مزید پڑھیں: ’صنف آہن‘: سجل علی کا عام لڑکی سے فوجی بننے کے سفر کا ٹیزر سامنے آگیا

دوسری جانب ڈرامے کے ہدایت کار ندیم بیگ نے حال ہی میں ایک انٹرویو میں انکشاف کیا کہ شوٹنگ کے دوران جب اداکاراؤں کا سلیوٹ ٹیسٹ لیا جا رہا تھا تو سب سے پہلے کبریٰ خان نے وہ ٹیسٹ پاس کیا۔

ندیم بیگ کے مطابق کبریٰ خان کے بعد دیگر اداکاراؤں نے بھی سلیوٹ ٹیسٹ پاس کیے مگر انہیں سلیوٹ کا پورا طریقہ یاد بھی رہا۔

انہوں نے کبریٰ خان کی تعریفیں کرتے ہوئے کہا کہ انہوں نے اپنے کردار کی مناسبت سے تمام مصروفیات اور تربیتی نشستوں میں بڑھ چڑھ کر حصہ لیا۔

یہ بھی پڑھیں: ’صنف آہن‘: سائرہ یوسف اور رمشا خان کے کرداروں کے ٹیزر جاری

ادھر ڈرامے کی ایک درجن تک قسطیں نشر ہونے کے بعد سوشل میڈیا پر اس کے میمز بھی شیئر کرکے ’صنف آہن‘ کی کہانی کی تعریفیں کی جا رہی ہیں۔

زیادہ تر لوگوں نے کبریٰ خان کے کردار کی تصویر کو ماضی کے مقبول فوجی ڈرامے ’عہد وفا‘ کے ایک کردار کے ساتھ شیئر کرکے مذاق کیا کہ مذکورہ دونوں افراد کے ساتھ پاکستان ملٹری اکیڈمی (پی ایم اے) میں سب سے زیادہ ناانصافی ہوئی۔

مزید پڑھیں:’ پاوری گرل‘ دنانیر مبین کی ’صنف آہن‘ سے اداکاری میں انٹری

’عہد وفا‘ کے اداکار عدنان صمد خان کے کردار سے اپنے کردار کا مشابہہ کرنے اور اس پر مزاحیہ تبصرے کرنے پر کبریٰ خان نے بھی انسٹاگرام اسٹوری میں اپنے اور عدنان صمد خان کے کرداروں کی تصویریں شیئر کرتے ہوئے مزاحیہ تبصروں سے اتفاق بھی کیا۔

’صنف آہن‘ ڈراما پاکستان کے مختلف صوبوں اور علاقوں سے تعلق رکھنے والی خواتین کے فوجی بننے کی داستان پر مبنی ہے۔

LEAVE A REPLY

Please enter your comment!
Please enter your name here

Must Read

کرو مہربانی تم اہل زمیں پر

تحریر۔۔۔عظمت عظیم تم جو دیتے ہو ۔۔۔۔۔۔۔وہ تم نہیں دیتے ۔۔۔۔۔۔وہ اللہ تمھیں خاص توفیق دیتا ہےاس...

بابائے صحافت مولانا ظفر علی خان

از حکیم راحت نسیم سوھدروی بابائے صحافت مولانا ظفر علی خان اسلامیان برصغیر کے ان جلیل القدر...

چرس،قانون اور رکشہ ڈرائیور

رخسانہ اسدل اہور ای میل:thegreatrukhsana@gmail.com 03154641924کوئی بھی معاشرہ اُس وقت تک قائم نہیں رہ سکتا جب تک...

رحمٰن کے بندوں کے درد کا درماں لوگ

منشاقاضیحسب منشا کسی انسان کی خواہش اس کی کاوش کے بغیر پوری نہیں ہوئی اور نہ ہی...

نیوزی لینڈ سے شکست، مائیکل وان نے بھارتی ٹیم کو پرانے وقتوں کی ٹیم قرار دیدیا

نیوزی لینڈ کے ہاتھوں پہلے ون ڈے میں شکست کے بعد انگلینڈ کے سابق کپتان مائیکل وان نے بھارتی ٹیم کو...