Home پاکستان سوزوکی سوئفٹ کا نیا ماڈل پاکستان میں فروخت کے لیے پیش

سوزوکی سوئفٹ کا نیا ماڈل پاکستان میں فروخت کے لیے پیش

پاک سوزوکی نے سوئفٹ گاڑی کا نیا ماڈل پاکستان میں متعارف کرا دیا ہے۔

نئی سوزوکی سوئفٹ کو لاہور میں 24 فروری کو ایک ایونٹ میں پیئش کیا گیا۔

یہ گاڑی جی ایل (مینوئل)، جی ایل (سی وی ٹی) اور جی ایل ایکس (سی وی ٹی) ورژنز میں دستیاب ہوگی۔

خیال رہے کہ سوزوکی نے ستمبر 2021 میں سوئفٹ کی پروڈکشن روک دی تھی اور اب جاکر نئی جنریشن سوئفٹ کو متعارف کرایا گیا ہے۔

اس نئی سوئفٹ کو عالمی سطح پر فروری 2021 میں فروخت کے لیے پیش کیا گیا تھا اور ایک سال بعد پاکستان آمد ہوئی ہے۔

اس نئی گاڑی میں گزشتہ ماڈل کے مقابلے ڈیزائن میں کچھ معمولی تبدیلیاں کی گئی ہیں اور فرنٹ گرل میں ایک بولڈ اسٹریپ کا اضافہ کیا گیا ہے، جس کے باعث یہ کسی حد تک اسپورٹ لک کی حامل ہوگئی ہے۔

اس سے ہٹ کر گاڑی کا ڈیزائن سابقہ ماڈل جیسا ہی ہے۔

کمپنی کے مطابق گاڑی کے ایندھن کی اوسط پہلے سے زیادہ بہتر بنایا گیا ہے۔

کمپنی کے مطابق ایک لیٹر پٹرول پر مینوئل ٹرانسمیشن ورژن 23.20 کلو میٹر جبکہ آٹو میٹک ورژن پر 23.76 کلو میٹر کا فاصلہ طے کرسکے گا۔

اس سے قبل سوئفٹ میں یہ اوسط 21.21 کلومیٹر فی لیٹر تھی اور اس کو بہتر بنانے کے لیے نئے ماڈل میں آٹو اسٹارٹ اسٹاپ فنکشن کا اضافہ کیا گیا ہے۔

گاڑی کے اندر نیا کنسول، ایک ٹچ اسکرین انفوٹینمنٹ سسٹم جو ایپل کار پلے اور اینڈرائیڈ آٹو سے مطابقت کرتا ہے، جبکہ نئے کنٹرولز بھی موجود ہیں۔

دیگر فیچرز میں پش اسٹارٹ اسٹاپ بٹنز، کی لیس انٹری، آٹومیٹک کلائمٹ کنٹرول، اسٹیئرنگ ماؤنڈ کنٹرول بٹن، کروز کنٹرول، اپ ڈیٹڈ انسٹرومنٹ کلسٹر اور آٹو فولڈ ان ایبل او آر وی ایم ایس قابل ذکر ہیں۔

اس کا جی ایل مینوئل ورژن 24 لاکھ 99 ہزار پاکستانی روپے میں دستیاب ہوگا جبکہ جی ایل سی وی ٹی کے لیے 26 لاکھ 99 ہزار روپے خرچ کرنا ہوں گے۔

سوئفٹ جی ایل ایکس سی وی ٹی سب سے مہنگا ورژن ہے جس کی قیمت 28 لاکھ 99 ہزار روپے رکھی گئی ہے۔

LEAVE A REPLY

Please enter your comment!
Please enter your name here

Must Read

دعا زہرا کی عمر 15سے 16سال کے درمیان ہے: میڈیکل بورڈ کی رپورٹ

کراچی کی مقامی عدالت کے حکم پر میڈیکل بورڈ نے دعا زہرا کی عمرکے تعین سے متعلق رپورٹ جمع کرادی۔

کپتان سمیت قومی ہاکی کھلاڑیوں کا نوکریاں دینے کا مطالبہ

کامن ویلتھ گیمز کی تیاریوں کے سلسلے میں پاکستان ہاکی ٹیم کا ٹریننگ کیمپ ان دنوں لاہور میں جاری ہے لیکن...

ملک بھر میں سندھ کورونا کیسز میں سب سے آگے

ملک بھر میں یومیہ رپورٹ ہونے والےکورونا کیسز میں سندھ سب سے آگے ہے۔ نیشنل کمانڈ اینڈ...

رمیز راجا اور سابق کرکٹرز کی ملاقات کی اندرونی کہانی

پاکستان کرکٹ بورڈ کے چیئر مین رمیز راجاکی کراچی میں سابق کرکٹرز کے ساتھ ملاقات کی دلچسپ اندرونی کہانی منظر عام...

عمران خان نے اوورسیزپاکستانیوں کے ووٹ سے متعلق ترمیم کو چیلنج کردیا

سابق وزیراعظم عمران خان نے اوورسیزپاکستانیوں کے ووٹ سے متعلق ترمیم کو سپریم کورٹ میں چیلنج کردیا۔