Home پاکستان وزیراعظم آج بہت بڑا اعلان کرنیوالے ہیں، شاہ محمود

وزیراعظم آج بہت بڑا اعلان کرنیوالے ہیں، شاہ محمود

اسلام آباد(سٹاف رپورٹر)وزیرخارجہ اور پی ٹی آئی رہنما مخدوم شاہ محمود قریشی کا کہنا ہے کہ وزیراعظم عمران خان قوم سے خطاب میں آج بہت بڑا اعلان کرنیوالے ہیں، وہ کھل کر دل کی بات کریں گے۔

جیکب آباد میں پی ٹی آئی کے سندھ حقوق مارچ کی روانگی سے قبل میڈیا سے بات چیت کرتے ہوئے شاہ محمود قریشی نے کہا کہ بلاول پنجاب جاسکتے ہیں توکیا میں سندھ نہیں آسکتا۔

انہوں نے کہاکہ آج ہم لاڑکانہ پہنچیں گے اور اپنی بات کریں گے، میں آج پوچھنے آیا ہوں سندھ کا خزانہ کیوں خالی ہوگیا؟ اسی کا حساب لینے آئے ہیں۔

شاہ محمود کاکہنا تھا کہ سندھ حکومت اپنی ناکامیوں کو وفاق پر ڈالنا چاہتی ہے، قبول نہیں کریں گے۔

ان کاکہنا تھا کہ اسلام آباد جانے والے ہر کارکن کو 30 ہزار روپے دیئے گئے ہیں، پیپلز پارٹی لانگ مارچ کیلئے تین تین لاکھ روپے ٹاؤن کمیٹی سے لیے گئے ہیں،یہ عوامی حقوق پر ڈاکہ ہے، اس کے دفاع کے لئے نکلے ہیں۔

انہوں نے کہاکہ قوم تیار ہو جائے، وزیراعظم آج دل کی بات کریں گے، کھل کر بات کریں گے، وہ جانتے ہیں یہ ایک ٹولہ جمع ہوگیا ہے۔

وزیر خارجہ نے کہاکہ وزیراعظم تجدید عہد کیلئے دیگر صوبوں کی طرح سندھ بھی آنے والے ہیں، لاڑکانہ کی انتظامیہ میں سوجھ بوجھ ہے تو وہ ہمارے قافلے کو نہیں روکے گی، ہم نے پنجاب میں پیپلز پارٹی کے قافلے کو نہ روکنے کا فیصلہ کیا ہے۔

شاہ محمود قریشی کاکہنا تھا کہ آصف زرداری اور عمران خان آمنے سامنے بیٹھ جائیں،عمران خان ساڑھے تین سال کا حساب دیں گے، زرداری بھی 12 سال کا حساب دیں۔

یوکرین میں پھنسے پاکستانی طلباء کے حوالے سے بات کرتے ہوئے وزیر خارجہ نے بتایا کہ ہمارے 3 ہزار طالب علم وہاں موجود ہیں، ہم نے طالبعلموں سے رابطہ کیا، کچھ محفوظ جگہ پر پہنچ گئے، کچھ طالب علم نئے تھے، یونیورسٹی میں داخلہ ہورہا تھا، کاغذات مکمل نہیں تھے، ہم نےطالب علموں کو کہا تھا مغربی یوکرین منتقل ہوجائیں۔

دفتر خارجہ نے رومانیہ، ہنگری اور پولینڈ سےمدد کی درخواست کی ہے،یوکرین کے وزیر خارجہ سے طالبعلموں کے محفوظ انخلا ءکی بھی بات ہوئی ہے،یوکرینی وزیر خارجہ کا کہنا ہے کہ کراسنگ پوائنٹ چوک ہوچکے ہیں، وہ پڑوسیوں سے کراسنگ پوائنٹ پر بات کررہے ہیں۔

شاہ محمود نے بتایا کہ یوکرین کے وزیرخارجہ کاکہنا ہے کہ طالبعلم مغربی یوکرین میں رہیں جو پُرامن ہے۔

وزیر خارجہ کاکہنا تھا کہ کچھ لوگوں نے یوکرین میں شادیاں کی ہیں وہ وہاں رہنا چاہتے ہیں، جو یوکرین سے واپس آنا چاہتا ہے ان کی پوری مدد کریں گے۔

LEAVE A REPLY

Please enter your comment!
Please enter your name here

Must Read

بیوروکریسی بمقابلہ ٹیکنالوجی ذہنیت میں خلل ڈال رہی ہے

تحریر اکرام سہگل ڈیجیٹل دور میں داخل ہونے کے باوجود ہمارے سرکاری اداروں کا نقطہ نظر، ہمارے...

حکومت عوام دشمنی پر اُتر آئی ہے !

تحریر؛ شاہد ندیم احمدعوام کی بے لوث خدمت کرنے کی دعویدار حکومت نے اپنے قیام کے صرف تین ماہ کے ابتدائی...

پاک سر زمین کا نظام

زاد راہ ۔۔سیدعلی رضا نقوی پاکستان کے نظام کی خرابیوں کو ہم سب اکثر آشکار کرتے ہیں...

سر سبز و شاداب شہر

منشاقاضیحسب منشا شہروں کی آبادی بڑھ جانے سے مسائل بڑھ جاتے ہیں , وہ لوگ کتنے خوش...

ماہ زوالحجہ عبادات و فضیلت

تحریر رخسانہ اسد حج اسلام کا پانچواں رکن ہے حکم خداوندی کے سامنے سرتسلیم خم کرنے کیلے...