Home پاکستان پی آئی اے کا سڈنی کیلئے براہِ راست پروازیں چلانے کا منصوبہ

پی آئی اے کا سڈنی کیلئے براہِ راست پروازیں چلانے کا منصوبہ

کراچی اور لاہور سے سڈنی کے لیے ہفتہ وار 2 پروازیں چلائی جائیں گی، بعد میں اسلام آباد کو بھی شامل کردیا جائے گا، غلام سرور خان

اسلام آباد (سٹاف رپورٹر)وفاقی وزیر ہوا بازی غلام سرور خان نے کہا ہے کہ قومی فضائی کمپنی پاکستان انٹرنیشنل ایئر لائنز (پی آئی اے) آسٹریلیا کے لیے براہ راست پروازیں شروع کرنے کا منصوبہ بنا رہی ہے۔

میڈیا کے نمائندوں سے بات کرتے ہوئے غلام سرور خان کا کہنا تھا کہ شروع میں کراچی اور لاہور سے سڈنی کے لیے ہفتہ وار دو پروازیں چلائی جائیں گی اور بعد میں اسلام آباد کو بھی شامل کردیا جائے گا۔

ان کا کہنا تھا کہ اس وقت پاکستان اور آسٹریلیا کے درمیان کوئی براہ راست پرواز نہیں چلتی اور دونوں ممالک کے درمیان سفر میں مختلف مقامات پر رکنے باعث تقریبا 35 گھنٹے کا وقت لگتا ہے۔

قومی ایئر لائن نے 22سال بعد شام کے دارالحکومت دمشق کے ساتھ ساتھ ملائیشیا اور عراق کے لیے پروازیں دوبارہ شروع کی ہیں، جبکہ آئندہ ماہ سے ہم کراچی اور لاہور سے آذربائیجان کے دارالحکومت باکو کے لیے بھی براہ راست پروازیں شروع کرنے کا ارادہ رکھتے ہیں۔

وزیر ہوا بازی کا کہنا تھا کہ پی آئی اے اپنے فلائٹ آپریشن کے نیٹ ورک میں مزید مقامات کو شامل کرے گی اور پروازوں کے آپریشن کو بڑھانے کے لیے مارچ میں ڈرائی لیز پر 4 نیرو باڈی طیارے حاصل کر کے اپنے بیڑے میں شامل کرے گی۔

انہوں نے بتایا کہ ہم پی آئی اے کے بیڑے میں بتدریج اضافہ کرتے ہوئے طیاروں کی موجود تعداد 29 سے بڑھا کر 2026 تک 49 کرنے کا ارادہ رکھتے ہیں، فضائی بیڑے میں 16 وائیڈ باڈی، 27 نیرو باڈی اور 6 ٹربو پروپیلر طیارے شامل ہوں گے۔

LEAVE A REPLY

Please enter your comment!
Please enter your name here

Must Read

بیوروکریسی بمقابلہ ٹیکنالوجی ذہنیت میں خلل ڈال رہی ہے

تحریر اکرام سہگل ڈیجیٹل دور میں داخل ہونے کے باوجود ہمارے سرکاری اداروں کا نقطہ نظر، ہمارے...

حکومت عوام دشمنی پر اُتر آئی ہے !

تحریر؛ شاہد ندیم احمدعوام کی بے لوث خدمت کرنے کی دعویدار حکومت نے اپنے قیام کے صرف تین ماہ کے ابتدائی...

پاک سر زمین کا نظام

زاد راہ ۔۔سیدعلی رضا نقوی پاکستان کے نظام کی خرابیوں کو ہم سب اکثر آشکار کرتے ہیں...

سر سبز و شاداب شہر

منشاقاضیحسب منشا شہروں کی آبادی بڑھ جانے سے مسائل بڑھ جاتے ہیں , وہ لوگ کتنے خوش...

ماہ زوالحجہ عبادات و فضیلت

تحریر رخسانہ اسد حج اسلام کا پانچواں رکن ہے حکم خداوندی کے سامنے سرتسلیم خم کرنے کیلے...