Home کھیل سیریز کے آغاز سےقبل آسٹریلین کنسلٹنٹ فواد احمد کورونا وائرس کا شکار

سیریز کے آغاز سےقبل آسٹریلین کنسلٹنٹ فواد احمد کورونا وائرس کا شکار

آسٹریلین ٹیم کے کنسلٹنٹ اور اسپنر فواد احمد کورونا وائرس کا شکار ہو گئے ہیں جس کے باعث پہلے ٹیسٹ میں آسٹریلین ٹیم کو ان کی خدمات میسر نہیں ہوں گی۔

فواد احمد پاکستان سپر لیگ (پی ایس ایل) میں لاہور قلندرز کے اسکواڈ کا حصے تھے اور پاکستان کے دورے پر آئی ہوئی آسٹریلیا کی ٹیم میں انہیں بطور کنسلٹنٹ شامل کیا گیا ہے۔

مزید پڑھیں: پاک آسٹریلیا سیریز: 100 فیصد گنجائش کے مطابق شائقین کو اسٹیڈیم آنے کی اجازت

کرکٹ آسٹریلیا کے مطابق محدود اوورز کے 5 میچوں میں آسٹریلیا کی نمائندگی کرنے والے فواد احمد پاکستان سپر لیگ کے خاتمے پر پیر کو ٹیم ہوٹل پہنچے تھے۔

تحریر جاری ہے‎

ہوٹل آمد پر اس بات کو یقینی بنایا گیا کہ انہیں آئسولیشن میں رکھا جائے اور معمولی علامات نظر آنے پر جب ان کا ٹیسٹ کرایا گیا تو وہ مثبت آیا۔

حکومتی قوانین کے تحت فواد احمد کم از کم 5 دن تک آئسولیشن میں رہیں گے اور دو منفی ٹیسٹ کے ساتھ ساتھ علامات نہ ہونے کی صورت میں ہی آئسولیشن سے باہر آ سکیں گے۔

یہ بھی پڑھیں: عثمان خواجہ اپنی ‘جائے پیدائش’ پر میچ کھیلنے کیلئے پرجوش

اس پابندی کی وجہ سے آسٹریلیا کی ٹیم کو اپنے کنسلٹنٹ کی پہلی ٹیسٹ میچ میں خدمات حاصل نہیں ہوں گی۔

پاکستان کے دورے پر آئی آسٹریلیا کی ٹیم کے اراکین بھی روزانہ کی بنیاد پر ازخود اپنے ٹیسٹ کررہے ہیں جبکہ ایک ڈاکٹر بھی ان کے ٹیسٹ کرتا ہے۔

واضح رہے کہ پاکستان کی ٹیم کے نوجوان فاسٹ باؤلر حارث رؤف بھی کورونا وائرس کا شکار ہو چکے ہیں۔

کورونا وائرس کا شکار ہونے کی وجہ سے حارث رؤف پہلے ٹیسٹ میچ میں قومی ٹیم کی نمائندگی نہیں کر سکیں گے اور ان کی جگہ اسکواڈ میں نسیم شاہ کو شامل کیا گیا ہے۔

مزید پڑھیں: حارث کووڈ کا شکار، نسیم شاہ آسٹریلیا کیخلاف پہلے ٹیسٹ کیلئے اسکواڈ میں شامل

پاکستان اور آسٹریلیا کے درمیان سیریز کا پہلا ٹیسٹ میچ چار مارچ سے راولپنڈی میں کھیلا جائے گا۔

LEAVE A REPLY

Please enter your comment!
Please enter your name here

Must Read

اسپین کا گھروں میں رہ کر کام کرنے والے افراد کیلئے نیا ویزا پروگرام

اسپین نے یورپی یونین سے باہر کے ممالک سے تعلق رکھنے والے شہریوں کے لیے 'ڈیجیٹل نوماڈ' ویزا پروگرام شروع کرنے...

منی لانڈرنگ کیس : جیکولین فرنینڈس گرفتار ہونے سے بچ گئیں

بالی وڈ اداکارہ جیکولین فرنینڈس کو منی لانڈرنگ کیس میں عبوری ضمانت مل گئی۔ بھارتی میڈیا کے...

قذافی اسٹیڈیم میں پاک انگلینڈ سیریز کی تیاریاں، رنگ و روغن کردیا گیا

پاکستان اور انگلینڈ کے درمیان ٹی 20 سیریز کے بقیہ تین میچز کا آغاز 28 ستمبر سے لاہور میں ہوگا۔

عامر لیاقت سے شادی سےکافی عرصہ پہلے سے شوبز میں کام کر رہی تھی: سیدہ طوبیٰ

پاکستان کی ابھرتی ہوئی اداکارہ اور مرحوم عامر لیاقت حسین کی سابقہ اہلیہ سیدہ طوبیٰ انور نے شوبز انڈسٹری میں آنے...

چائے پینے والے افراد روزانہ کتنی پلاسٹک کھا رہے ہیں؟

کراچی کی دودھ پتی چائے میں بھی مائیکر و پلاسٹک کی آلودگی کا انکشاف ہوا ہے۔ جناح...