پیپلز پارٹی کے چیئرمین بلاول بھٹو زرداری نے پارٹی کے تمام ارکانِ قومی اسمبلی کو آج سندھ ہاؤس اسلام آباد میں ظہرانے پر مدعو کرلیا۔
ذرائع کے مطابق سابق صدر آصف علی زرداری بھی ظہرانے میں شریک ہوں گے جبکہ بلاول بھٹو کی جانب سے تمام ارکان قومی اسمبلی کو ظہرانے میں شرکت یقینی بنانے کی ہدایت کی گئی ہے۔
ذرائع کا کہنا ہے کہ بلاول اپنے پارٹی ارکان کو وزیراعظم کے خلاف تحریک عدم اعتماد پر اعتماد میں لیں گے ۔
اس کے علاوہ تحریک عدم اعتماد کی کامیابی کے لیے پیپلز پارٹی کی حکمت عملی پر بھی مشاورت ہوگی۔
دوسری جانب ذرائع کا کہناہے کہ ایم کیوایم پاکستان کا وفد آج اسلام آباد میں سابق صدر آصف زرداری سے ملاقات کرےگا۔
