Home کھیل ورلڈ اسنوکرچیمپئن شپ: پاکستان کے نوجوان کیوئسٹ احسن رمضان فائنل میں پہنچ...

ورلڈ اسنوکرچیمپئن شپ: پاکستان کے نوجوان کیوئسٹ احسن رمضان فائنل میں پہنچ گئے

انٹرنیشنل بلیئرڈز اینڈ اسنوکر فیڈریشن (آئی بی ایس ایف) ورلڈ اسنوکر چیمپئن شپ میں پاکستان کے نوجوان کیوئسٹ احسن رمضان نے فائنل کیلئے کوالیفائی کرلیا۔

پاکستان کے 16 سالہ احسن رمضان نے سیمی فائنل میں ہم وطن اور دفاعی چیمپئن محمد سجاد کو سنسنی خیز مقابلے کے بعد شکست دی، فائنل میں ان کا مقابلہ ایران کے عامر سرکوش سے ہوگا۔

دوحہ میں جاری آئی بی ایس ایف ورلڈ اسنوکر چیمپئن شپ کے بیسٹ آف نائن فریمز پر مشتمل دونوں سیمی فائنلز فیصلہ کن فریم تک جاری رہے ۔ ٹاپ فور میں تین پاکستانی شریک تھے تاہم ان میں سے صرف احسن رمضان فائنل تک رسائی حاصل کرسکے ۔

16 سالہ احسن رمضان کا مقابلہ ہم وطن اور دفاعی چیمپئن محمد آصف سے تھا جس میں نوجوان کیوئسٹ نے بھرپور مہارت اور کنٹرول کے ساتھ ساتھ عمدہ تحمل کا مظاہرہ کیا۔ ابتدائی دو فریمز ہارنے کے بعد احسن نے تیسرا اور چوتھا فریم جیت کر مقابلہ برابر کیا۔

ورلڈ اسنوکر: محمد آصف بھارتی کیوئسٹ کو ناک آؤٹ کرکے کوارٹر فائنل میں پہنچ گئے

پھر ایک فریم آصف جیتے تو اگلا فریم احسن ، مقابلہ چار۔ چار سے برابر ہوا تاہم فیصلہ کن فریم میں ٹیبل پر جب آخری ریڈ بال باقی تھیں تو احسن کو ایک اسنوکر درکار تھا ۔

انہوں نے ہمت نہ ہاری اور آصف کو فاؤل میں مجبور کرتے ہوئے گیم میں واپسی بنائی اور پھر کلر بالز پوٹ کرتے ہوئے مقابلہ اپنے نام کرلیا ۔

اس کے علاوہ دوسرے سیمی فائنل میں ایران کے عامر سرکوش نے پاکستان کے محمد سجاد کو پانچ ۔ چار سے شکست دی ۔

میچ میں ایرانی کیوئسٹ نے شاندار انداز میں آغاز کرتے ہوئے ابتدائی تین فریمز جیت کر برتری حاصل کرلی، چوتھا فریم سجاد نے جیت کر اپنا خسارہ کم کیا ، مگر پانچویں فریم میں عامر سرکوش نے ایک سو دو کی بریک کھیلتے ہوئے اپنی برتری کو ایک بار پھر تین فریمز بڑھادیا۔

چار ۔ ایک کے خسارے میں جانے کے بعد محمد سجاد نے یکے بعد دیگرے تین فریمز جیتے اور مقابلہ چار۔ چار کردیا، مگر فیصلہ کن فریم میں سجاد کو موقع نہ مل سکا ، وہ صرف ایک ریڈ بال ہی پاکٹ کرسکے جس کے بعد عامر نے 64 کی بریک کھیل کر کامیابی سمیٹ لی۔

آئی بی ایس ایف ورلڈ اسنوکر چیمپئن شپ کا بیسٹ آف الیون فائنل جمعہ کو پاکستانی وقت کے مطابق تین بجے شروع ہوگا۔

LEAVE A REPLY

Please enter your comment!
Please enter your name here

Must Read

test

test

صحابہ کرام اہلبیت امہات المومنین کی توہین پر قانون سازی

تحریر: محمد ریاض ایڈووکیٹآئین پاکستان کے تحت مملکت کا نا م اسلامی جمہوریہ پاکستان اور سرکاری مذہب اسلام ہے۔اسکے باوجود پاکستان...

مجھے اس دیس جانا ہے

منشاقاضیحسب منشا مجھ پر پہلی بار اس بات کا انکشاف ہوا جب میں نے نثری ادب میں...

دنیا کا سب سے بڑا مقروض ملک ہونے کے باوجود جاپان ڈیفالٹ کیوں نہیں کرتا؟

گزشتہ سال ستمبر کے آخر تک جاپان اس حد تک مقروض ہو چکا تھا کہ قرضوں کے اس حجم کو سُن...

پی ٹی آئی کا سندھ اسمبلی سے مستعفی نہ ہونے کا فیصلہ

کراچی (سٹاف رپورٹر)پاکستان تحریک (پی ٹی آئی) نے سندھ اسمبلی سے مستعفی نہ ہونے کا فیصلہ کرلیا۔