وفاقی وزیر اطلاعات فواد چوہدری نے کہا ہے کہ براڈ شیٹ کے مالک کی گواہی پر شہباز شریف کی پریس کانفرنس بوکھلاہٹ کا اظہار ہے ۔
فواد چوہدری نے ٹوئٹ کرتے ہوئے کہا کہ’براڈ شیٹ کا مالک خود نیب کا مجرم ہے تاہم شریف خاندان کی کرپشن کا ثبوت ان کے اکاؤنٹس سے لے کر لندن کے مہنگے ترین اپارٹمنٹس ہیں’۔
https://twitter.com/fawadchaudhry?ref_src=twsrc%5Etfw%7Ctwcamp%5Etweetembed%7Ctwterm%5E1506220703493726208%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F281000-
انہوں نے مزید کہا کہ کیلیبری فونٹ کا جعلی حلف نامہ ہو یا مریم کے بیانات ہر لفظ کرپشن چھپانے کا بیانیہ ہے۔
دوسری جانب مسلم لیگ ن کی ترجمان مریم اورنگزیب نے جواب دیا کہ عمران خان فارن فنڈنگ، آٹا، چینی، دوائی، بجلی اور گیس چوری میں خود مجرم ہیں ،ان کی طرف سے الزام تراشی، تہمت، نفرت اور انتشار سُن سُن کے عوام کے کان پک گئے ہیں ، عمران خان کے جھوٹ کی عمارت زمیں بوس ہو چکی ہے ۔
واضح رہے کہ گزشتہ براڈ شیٹ کے سربراہ کاوے موسوی نے سابق وزیراعظم نواز شریف کے خلاف لگائے گئے الزامات سے دستبردار ہوتے ہوئے ان سے معافی طلب کی تھی۔
