لاہور ٹیسٹ: آسٹریلیا کی پاکستان کیخلاف بیٹنگ جاری، 2کھلاڑی آؤٹ
لاہور(سپورٹس رپورٹر)سیریز کے تیسرے اور فیصلہ کن ٹیسٹ میں آسٹریلیا کی پاکستان کے خلاف بیٹنگ جاری ہے، مہمان ٹیم اب تک دو وکٹیں گنوا چکی ہے۔
پہلا روز
اسپنر نعمان علی کی گیند پر کپتان بابراعظم نے عثمان خواجہ کا کیچ چھوڑا جبکہ نعمان علی نے اپنی ہی گیند پر اسٹیو اسمتھ کا کیچ ڈراپ کیا۔
اوپنر ڈیوڈ وارنر سات رنز جبکہ مارنس لبوشین بغیر کوئی رن بنائے شاہین شاہ آفریدی کی گیند پر آؤٹ ہوگئے۔ آسٹریلوی کھلاڑی مارنس لبوشین ٹیسٹ کیریئر میں تیسری مرتبہ پاکستان کے خلاف صفر آؤٹ ہوئے۔
مہمان ٹیم آسٹریلیا نے ٹاس جیت کر بیٹنگ کا فیصلہ کیا۔ آسٹریلیا نے کراچی ٹیسٹ کی پلینگ الیون میں کوئی تبدیلی نہیں کی جبکہ میزبان ٹیم پاکستان نے فہیم اشرف کی جگہ نسیم شاہ کو آخری ٹیسٹ کا حصہ بنایا ہے۔
آخری ٹیسٹ میچ لاہور کے قذافی اسٹیڈیم میں کھیلا جا رہا ہے، دونوں ٹیموں کے درمیان پہلا اور دوسرا ٹیسٹ میچ ڈرا ہوگیا تھا۔
