Home انٹرنیشنل جائے نماز پر کھڑا ہوکر اداکاری سے جان چھوٹنےکی دعائیں کرتا تھا:...

جائے نماز پر کھڑا ہوکر اداکاری سے جان چھوٹنےکی دعائیں کرتا تھا: نعمان اعجاز

اداکار نعمان اعجاز نے انکشاف کیا ہے کہ ان کی زندگی میں ایک وقت ایسا بھی تھا جب وہ گڑگڑا کر دعائیں مانگتے تھے کہ اللہ مجھے اس کام سے چھٹکارا حاصل کروادے۔

حال ہی میں برطانوی نشریاتی ادارے بی بی سی کو انٹرویو دیتے ہوئے نعمان اعجاز نے بتایا کہ آج سے تقریباً سولہ سترہ سال پہلے میں اس ڈگر پر چل نکلا کہ اب مجھے اداکاری چھوڑدینی چاہیے، شاید یہ میرے رب کو پسند نہیں۔

انہوں نے بتایا کہ میں جائے نماز پر کھڑا ہوکر باقاعدہ دعائیں مانگا کرتا تھا کہ یا اللہ مجھے اس کام سے نکال لے، میں نے چار سال تک بڑی دعائیں مانگی اور پھر اتفاق سے میری ملاقات ایک صاحب سے ہوئی۔

نعمان اعجاز نے مزید بتایا کہ ان صاحب نے مجھے دیکھتے ہی پوچھا کہ کیا بات ہے پریشان لگتے ہو، جس پر میں نے کہا کہ میں پچھلے کئی سالوں سے دعا کررہا ہوں کہ مجھے اداکاری چھوڑنی ہے، میں یہ کام چھوڑنا چاہتا ہوں جس پر انہوں نے وجہ پوچھی۔

اداکار کا کہنا تھا کہ میں نے انہیں وجہ بتائی کہ شاید میرا اللہ اس سے خوش نہیں جس پر انہوں نے جواب دیا کہ آپ کون ہوتے ہیں یہ فیصلہ کرنے والے، ہوسکتا ہے اس شعبے میں رہ کر آپ کسی کو کوئی بات بتائیں تو وہ سن لے، اس کام سے نکلنے کے بعد آپ لوگوں کو اچھی باتیں نہیں بتا سکیں گے، اس شعبے کے ذریعے آپ لوگوں کی مذہبی رہنمائی بھی کرسکتے ہیں۔

انہوں نے کہا کہ میرے کام میں برکت میرے باوضو رہنے کی وجہ سے ہے، میں جتنے بھی نئے اداکاروں کے ساتھ کام کرتا ہوں، انہیں بھی یہ ہی بتاتا ہوں۔

‘سوشل میڈیا اکاؤنٹس کی تصدیق نہیں کی جارہی’

نعمان اعجاز نے دورانِ انٹرویو بتایا کہ انہیں ٹوئٹر اور انسٹاگرام اکاؤنٹس پر بلیو ٹِک (اکاؤنٹ کی تصدیق) نہیں دیا جارہا، 30 سال تک کام کرنے کے بعد بھی ای میل میں یہ لکھا آتا ہے کہ ابھی کمپنی میری تصدیق کررہی ہے۔

دوران انٹرویو اداکار نے یہ انکشاف بھی کیا کہ انہوں نےاپنی زندگی میں ڈراموں کے لیے کبھی میک اپ نہیں کروایا، وہ اپنے چہرے پر کچھ بھی لگائے بغیر عکس بندی کرتے ہیں۔

LEAVE A REPLY

Please enter your comment!
Please enter your name here

Must Read

بیوروکریسی بمقابلہ ٹیکنالوجی ذہنیت میں خلل ڈال رہی ہے

تحریر اکرام سہگل ڈیجیٹل دور میں داخل ہونے کے باوجود ہمارے سرکاری اداروں کا نقطہ نظر، ہمارے...

حکومت عوام دشمنی پر اُتر آئی ہے !

تحریر؛ شاہد ندیم احمدعوام کی بے لوث خدمت کرنے کی دعویدار حکومت نے اپنے قیام کے صرف تین ماہ کے ابتدائی...

پاک سر زمین کا نظام

زاد راہ ۔۔سیدعلی رضا نقوی پاکستان کے نظام کی خرابیوں کو ہم سب اکثر آشکار کرتے ہیں...

سر سبز و شاداب شہر

منشاقاضیحسب منشا شہروں کی آبادی بڑھ جانے سے مسائل بڑھ جاتے ہیں , وہ لوگ کتنے خوش...

ماہ زوالحجہ عبادات و فضیلت

تحریر رخسانہ اسد حج اسلام کا پانچواں رکن ہے حکم خداوندی کے سامنے سرتسلیم خم کرنے کیلے...