Home کھیل پہلے اوور میں ایسا لگتا ہے کہ شاہین میزائل چھوڑے گا: ثقلین

پہلے اوور میں ایسا لگتا ہے کہ شاہین میزائل چھوڑے گا: ثقلین

قومی ٹیم کے کھلاڑیوں نے شاہین آفریدی کی شاندار بولنگ کو لے کر اپنے خیالات کا اظہار کیا ہے۔

قومی کپتان بابراعظم نے اظہار خیال کرتے ہوئے کہا کہ شاہین آفریدی کو سوئنگ کے ساتھ یارکر کرنے میں مکمل مہارت ہے، شاہین لینتھ بال کے ساتھ یارکر کرتے ہیں۔

انہوں نے کہا کہ یہ شاہین کا ٹیلنٹ، محنت اور پلان ہوتا ہے کہ پہلے اوور میں وکٹ لے کر دیتے ہیں، شاہین میں یہ ایک خداداد صلاحیت ہے جو بیٹسمینوں کو مشکل میں ڈالتی ہے۔

شاہین تیز گیند پھینک کر آنکھوں میں جھونک دیتا ہے: ثقلین مشتاق
قومی ٹیم کے کوچ ثقلین مشتاق کا کہنا تھا کہ شاہین آفریدی تیز گیند پھینک کر آنکھوں میں جھونک دیتا ہے، سب بیٹسمینوں کو علم ہوتا ہے لیکن وہ پھر بھی وکٹ لے لیتا ہے ،پہلے اوور میں ایسا لگتا ہے کہ شاہین آفریدی میزائل چھوڑے گا۔

دوسری جانب بولنگ کنسلٹنٹ شان ٹیٹ نے کہا کہ شاہین آفریدی بہادر ہیں جو پہلے اوور میں فل ٹاس کرتے ہیں وہ رسک لیتے ہیں اور بیٹسمین مس کر دیتے ہیں، شاہین آفریدی کا سامنا کرنا کوئی بھی آسانی سے نہیں چاہتا۔

ہمیں توقع ہوتی ہےکہ شاہین نے پہلے اوور میں کچھ نہ کچھ کرنا ہے: رضوان
محمد رضوان کا کہنا ہے کہ ہمیں توقع ہوتی ہے کہ شاہین آفریدی نے پہلے اوور میں کچھ نہ کچھ کرنا ہے، ہم سب ہی نہیں مینجمنٹ فینز اور دیگر کھلاڑی بھی وکٹ کے منتظر ہوتے ہیں۔

محمد رضوان کے مطابق آسٹریلوی کھلاڑی لبو شین نے مجھ سے پوچھا کہ شاہین آفریدی کے پہلے اوور میں فل ٹاس کا کیا مقصد ہوتا ہے؟

پہلے اوور سے متعلق شاہین خود کیا کہتے ہیں؟

پہلے اوور میں کی جانے والی بولنگ سے متعلق شاہین کا کہنا تھا کہ نئے بال کو ایسے استعمال کرنا چاہتا ہوں کہ جس سے ٹیم کو فائدہ ہو ، میری یہی کوشش ہوتی ہے کہ اوپر جلدی آؤٹ کروں، اوپر سے ایک دو وکٹیں گرنے سے دوسری ٹیم ڈاؤن ہو جاتی ہے۔

LEAVE A REPLY

Please enter your comment!
Please enter your name here

Must Read

توبہ کے مسافر (آخری حصہ )

تحریر؛ پروفیسر محمد عبداللہ بھٹیمیں حیرت کے شدید جھٹکوں سے گزر رہا تھا میرے قلب و باطن میں بھونچال سا آگیا...

ماحولیاتی فنڈ کی منظوری،وزیراعظم کی کامیابی

تحریر؛ اسداللہ غالبہتھیلی پر سرسوں جمنا ایک محاورہ ہے، جس کا عملی مظاہرہ مصر میں منعقدہ ماحولیاتی کانفرنس کوپ 27 کے...

گہری سوچ بچار کی ضرورت

تحریر۔ شفقت اللہ مشتاق چند روز قبل میں ایک پہاڑی کے پاس سے گزرا تو میرے دل...

کرپشن کا خاتمہ کیسے ممکن ہے

تحریر ایم فاروق انجم بھٹہ عصر حاضر میں کئی ایک سماجی برائیاں نسل انسانی کو گھن کی...

راولپنڈی، کل صدر تا فیض آباد اسٹیشن میٹروبس سروس بند رہے گی

راولپنڈی میں کل صدر سے فیض آباداسٹیشن میٹروبس سروس بند رہے گی۔ انتظامیہ میٹروبس سروس کے مطابق...