Home کھیل ویسٹ انڈیز کے خلاف سیریز کووڈ پابندیوں کے بغیر کھیلی جاسکتی ہے،...

ویسٹ انڈیز کے خلاف سیریز کووڈ پابندیوں کے بغیر کھیلی جاسکتی ہے، رمیزراجا

پاکستان کرکٹ بورڈ (پی سی بی) کے چیئرمین رمیز راجا نے عندیہ دیا ہے کہ ویسٹ انڈیز کے خلاف جون میں شیڈول ایک روزہ سیریز بائیوسیکیور ببل سمیت کووڈ-19 کے حوالے سے پابندیوں کے بغیر کھیلی جاسکتی ہے۔

ڈان کو خصوصی ویڈیو بیان میں چیئرمین پی سی بی نے کہا کہ میچز معمولی حالات میں کھیلے جاسکتے ہیں تاہم اعتراف کیا کہ اقدامات لینے کے خدشات موجود ہیں۔

مزید پڑھیں: ویسٹ انڈیز کے خلاف ون ڈے سیریز کا شیڈول جاری

رمیز راجا نے کہا کہ پی سی بی کا میڈیکل بورڈ اس معاملے کو مختلف زاویے سے دیکھ رہا ہے۔

ان کا کہنا تھا کہ ‘اس فیصلے کے لیے صرف ایک مسئلہ درپیش ہوسکتا ہے کہ اگر ایک کھلاڑی بھی کووڈ کا شکار ہوگیا تو پھر وائرس تیزی سے پھیلتا ہے تو پھر اتنے دور سے متبادل کھلاڑی کو بلانا ممکن نہیں ہوگا’۔

انہوں نے کہا کہ ‘یہ دو دھاری تلوار ہے’۔

چیئرمین پی سی بی نے کہا کہ ‘ہمیں اپنے میڈیکل بورڈ سے جو معلومات مل رہی ہیں، اس سے ظاہر ہوتا ہے کہ اب چیزیں تسلی بخش ہیں اور وائرس اب خطرناک نہیں رہا’۔

رمیز راجا کی جانب سے یہ بیان ایک ایسے وقت میں آیا ہے جب حالیہ سیریز میں آسٹریلیا کی مہمان ٹیم کے تین کھلاڑی وائرس کا شکار ہوگئے تھے۔

آسٹریلیا کی ٹیم 24 سال بعد پاکستان کا دورہ کرنے آئی تھی اور گزشتہ روز اپنا دورہ مکمل کرکے واپس چلی گئی، جس میں 3 ٹیسٹ، 3 ون ڈے اور ایک ٹی20 میچ شامل تھا۔

ویسٹ انڈیز کے تین کھلاڑیوں کا کورونا ٹیسٹ مثبت، سیریز سے باہر

خیال رہے کہ ویسٹ انڈیز اور پاکستان کے درمیان ایک روزہ سیریز گزشتہ برس دسمبر میں شیڈول تھی لیکن دورے پر موجود ٹیم کے 3 کھلاڑیوں سیمیت 5 ارکان میں کورونا وائرس کی تشخیص کے بعد دورہ ادھورا چھوڑ کر ٹیم واپس چلی گئی تھی۔

ویسٹ انڈیز کی ٹیم نے اس سے قبل 3 ٹی20 میچوں پر مشتمل سیریز مکمل کر لی تھی۔

پاکستان کے دورے پر آئی ہوئی ویسٹ انڈیز کی ٹیم نے مزید کھلاڑیوں میں کورونا وائرس کی تشخیص کے خدشے کے پیش نظر دورہ ادھورا چھوڑ دیا تھا۔

پی سی بی نے گزشتہ ماہ اعلان کیا تھا کہ ویسٹ انڈیز کی ٹیم مؤخر ہونے والی 3 میچوں پر مشتمل ایک روزہ سیریز کے لیے 5 جون کو پاکستان آئے گی۔

بیان میں کہا گیا تھا کہ ایک روزہ سیریز راولپنڈی میں 8، 10 اور 12 جون کو کھیلی جائے گی۔

LEAVE A REPLY

Please enter your comment!
Please enter your name here

Must Read

سندھ کے تعلیمی اداروں میں سردیوں کی چھٹیاں کب سے ہوں گی؟ اعلان ہوگیا

سندھ بھر کے اسکولز اور کالجز میں سردیوں کی تعطیلات کا اعلان کر دیا گیا۔ سندھ کے...

نئے ایڈمنسٹریٹر کراچی کیلئے ڈاکٹر سیف الرحمان کا نام فائنل ہو گیا

کراچی: بلدیہ عظمیٰ کراچی میں نیا ایڈمنسٹریٹر آج تعینات ہونے کا امکان ہے جس کے لیے نام بھی فائنل کر لیا...

دوہرے قتل کا ملزم فیصل آباد انسٹیٹیوٹ آف کارڈیالوجی سے فرار

دوہرے قتل کا ملزم فیصل آباد انسٹیٹیوٹ آف کارڈیالوجی سے فرار ہو گیا۔ پولیس کے مطابق طبیعت...

پی پی کا سیاسی ایڈمنسٹریٹر ہٹاکر ایم کیو ایم کا لگایا جا رہا جو قبول نہیں: حافظ نعیم

امیر جماعت اسلامی کراچی حافظ نعیم الرحمان نے ایم کیو ایم اور پیپلز پارٹی پر تنقید کرتے ہوئے کہا کہ ایم...

‘سسرال میں ہی رہتی ہوں’، صبا فیصل کے تعلق ختم کرنیکے اعلان کے بعد ‘بہو’ نے خاموشی توڑ دی

سینئر اداکارہ صبا فیصل کی جانب سے بیٹے سلمان فیصل اور بہو نیہا سلمان سے ٹعلق ختم کرنے کے اعلان کے...