وفاقی کابینہ نے وزیرقانون کی سربراہی میں قومی احتساب بیورو(نیب) ترامیم کے کمیٹی بنانے کی منظوری دی اور ساتھ ہی موسمیاتی تبدیلی سے متعلق خصوصی ٹاسک فورس تشکیل دے دی گئی۔
وزیراعظم شہباز شریف کی زیر صدار ت وفاقی کابینہ کا اجلاس ہوا، جس کے بعد جاری بیان میں کہا گیا کہ وزیراعظم نے کابینہ کو آگاہ کیا کہ ملک میں شدید گرمی کی لہر کا سامنا ہے اور اس کے لیے خصوصی ٹاسک فورس وزارت ماحولیاتی تبدیلی کے زیر انتظام تشکیل دی گئی ہے۔
روپے کی بے قدری روکنے کیلئے جامع حکمت عملی بنانے کی ہدایت
اجلاس کو بتایا گیا کہ یہ ٹاسک فورس ماحولیاتی تبدیلیوں کے تدارک کے لیے اقدامات کرے گی تاکہ پاکستان کو درپیش خطرات کا بروقت ازالہ کیا جا سکے۔
