Home انٹرٹينمنٹ سلمان خان کو قتل کرنے کا منصوبہ، اداکار بال بال بچ گئے

سلمان خان کو قتل کرنے کا منصوبہ، اداکار بال بال بچ گئے

بالی وڈ کے دبنگ اداکار سلمان خان کے قاتلانہ حملے سے بال بال بچ جانے کا انکشاف ہوا ہے۔

بھارتی میڈیا رپورٹس میں دعویٰ کیا جا رہا ہے کہ سلمان خان کو قتل کرنے کے لیے ایک گروہ بالکل تیار تھا لیکن وہ اپنے مقصد میں کامیاب نہ ہو سکا اور سلمان خان قاتلانہ حملے سے بچ نکلے۔

میڈیا رپورٹس میں بتایا گیا کہ حال ہی میں آنجہانی گلوکار سدھو موسے والا کو قتل کرنے والے گینگسٹر لارنس بشنوئی کی جانب سے بھیجے گئے شارپ شوٹر کے ذریعے سلمان خان کو جان سے مارنے کی کوشش کی گئی جس میں سلمان خان بچ گئے۔

لارنس بشنوئی نے سلمان خان کو قتل کرنے کے لیے ایک شارپ شوٹر کو ہاکی کی کیسنگ میں چھپایا ہوا چھوٹے بور کا ہتھیار بھیجا تھا اور لارنس بشنوئی نے شارپ شوٹر کو سلمان خان کو قتل کرنے کے لیے ان کی رہائشگاہ کے باہر کھڑا کیا تھا۔

رپورٹ میں انکشاف کیا گیا کہ ملزمان نے سلمان خان کے گھر کے اطراف کی ریکی کی تھی، ریکی کے دوران شوٹر نے معلومات حاصل کیں کہ سلمان خان جب صبح سائیکل چلانے کے لیے گھر سے باہر جاتے ہیں تو اُن کے ساتھ سکیورٹی گارڈز نہیں ہوتے۔

بھارتی میڈیا نے بتایا کہ جس دن سلمان خان کو قتل کیے جانے کے لیے شوٹرز گھر کے باہر پہنچے اس دن سلمان خان کے ساتھ ممبئی پولیس کا ایک دستہ موجود تھا اور سلمان خان کے گھر کے باہر کوئی عوامی تقریب بھی جاری تھی۔

اداکار کے گھر کے باہر اس ہجوم اور شور و غل نے شارپ شوٹر کو ساتھیوں سمیت واپس جانے پر مجبور کر دیا تاہم رپورٹس میں یہ نہیں بتایا گیا کہ بھارتی حکام کو سلمان خان کے قتل کی معلومات کس طرح سے ملیں۔

LEAVE A REPLY

Please enter your comment!
Please enter your name here

Must Read

دعا زہرا کی عمر 15سے 16سال کے درمیان ہے: میڈیکل بورڈ کی رپورٹ

کراچی کی مقامی عدالت کے حکم پر میڈیکل بورڈ نے دعا زہرا کی عمرکے تعین سے متعلق رپورٹ جمع کرادی۔

کپتان سمیت قومی ہاکی کھلاڑیوں کا نوکریاں دینے کا مطالبہ

کامن ویلتھ گیمز کی تیاریوں کے سلسلے میں پاکستان ہاکی ٹیم کا ٹریننگ کیمپ ان دنوں لاہور میں جاری ہے لیکن...

ملک بھر میں سندھ کورونا کیسز میں سب سے آگے

ملک بھر میں یومیہ رپورٹ ہونے والےکورونا کیسز میں سندھ سب سے آگے ہے۔ نیشنل کمانڈ اینڈ...

رمیز راجا اور سابق کرکٹرز کی ملاقات کی اندرونی کہانی

پاکستان کرکٹ بورڈ کے چیئر مین رمیز راجاکی کراچی میں سابق کرکٹرز کے ساتھ ملاقات کی دلچسپ اندرونی کہانی منظر عام...

عمران خان نے اوورسیزپاکستانیوں کے ووٹ سے متعلق ترمیم کو چیلنج کردیا

سابق وزیراعظم عمران خان نے اوورسیزپاکستانیوں کے ووٹ سے متعلق ترمیم کو سپریم کورٹ میں چیلنج کردیا۔