Home کھیل بولنگ کی اجازت ملنے کے بعد اب حسنین کا پہلا ٹارگٹ کیا...

بولنگ کی اجازت ملنے کے بعد اب حسنین کا پہلا ٹارگٹ کیا ہے؟

فاسٹ بولر محمد حسنین نے قومی کرکٹ ٹیم میں واپسی کو اپنا اولین ٹارگٹ قرار دیا ہے۔

محمد حسنین حال ہی میں بولنگ کرانے کے اہل ہوئے ہیں، ان کے بولنگ ایکشن کو غیر قانونی قرار دیا گیا تھا جس کے بعد نیشنل ہائی پرفارمنس سینٹر میں ان کے بولنگ ایکشن پر کام کیا گیا اور لاہور میں آئی سی سی کی منظور شدہ لیب میں ہونے والے بائیو مکینک ٹیسٹ میں ان کے بولنگ ایکشن کو قانونی قرار دیا گیا ہے اور اب محمد حسنین بولنگ کرسکتے ہیں۔

حسنین کا کہنا ہے کہ بولنگ ایکشن کلیئر ہونے کے بعد بہت اچھا لگ رہا ہے،اب میں دوبارہ ایکشن میں ہوں گا ، نئے ایکشن کے اوپر میں نے کوچز کے ساتھ بہت محنت کی ہے، کوچ عمر  رشید نے کافی کا م کیا ہے جس کا مجھے فائدہ ہوا۔

فاسٹ بولر کا کہنا تھاکہ میں نے ایک مشکل وقت گزارا ہے کیونکہ میرے ایکشن کو غیر قانونی قرار دیا گیا اور ایسے میں، میں بولنگ نہیں کر سکتا تھا، میں سمجھتا ہوں کہ مشکل وقت میں ہی ہمت کرنے کی ضرورت ہوتی ہے، مشکل وقت کو  قبول کیا اور اس میں ہمت کی جس کا فائدہ ہوا۔

انہوں نے کہا کہ نیشنل ہائی پرفارمنس سینٹر میں کوچز کے ساتھ اپنی بولنگ پر مکمل فوکس کیا، مجھے کبھی ایسا محسوس نہیں ہوا تھا کہ میں دوبارہ نہیں کھیل پاؤں گا، میں نے ہمیشہ مثبت ہی سوچا تھا کہ میں ایکشن کو کلیئر کر کے واپس آؤں گا۔

محمد حسنین کو یقین ہے کہ نئے بولنگ ایکشن کی وجہ سے اسپیڈ پر فرق نہیں پڑے گا اور  ان کا کہنا ہے کہ ابھی پریکٹس کر رہا ہوں، اب جب میچز کھیلوں گا تو ساری صورتحال واضح ہو گی، میرا اس وقت اولین ٹارگٹ یہی ہے کہ جلد ازجلد پاکستان ٹیم میں کم بیک کروں اور پاکستان کے لیے اچھی پرفارمنسز دوں ۔

LEAVE A REPLY

Please enter your comment!
Please enter your name here

Must Read

ماہ زوالحجہ عبادات و فضیلت

تحریر رخسانہ اسد حج اسلام کا پانچواں رکن ہے حکم خداوندی کے سامنے سرتسلیم خم کرنے کیلے...

ڈائمنڈ جوبلی اور صوبائی محتسب

تحریر؛ روہیل اکبرمبارک ہو ہم اپنی آزادی کے 75 سال مکمل کر نے والے ہیں گذرے ہوئے ان سالوں کی ڈائمنڈ...

چھٹا رکن

تحریر؛ پروفیسر محمد عبداللہ بھٹیجب بھی کوئی اہل حق خدائے بزرگ و برتر کے کرم اورخاص اشارے کے تحت جہالت کفر...

چور نگری

تحریر؛ ناصر نقوی جب ایماندار، فرض شناس اور محنتی کو اس کی محنت و مشقت کا صلہ...

کراچی میں تیز بارش کب سے ہوگی؟ محکمہ موسمیات نے پیشگوئی کردی

کراچی: محکمہ موسمیات نے شہر میں 2 جولائی سے تیز بارش کا امکان ظاہر کیا ہے۔ چیف...