Home کھیل رمیز راجا اور سابق کرکٹرز کی ملاقات کی اندرونی کہانی

رمیز راجا اور سابق کرکٹرز کی ملاقات کی اندرونی کہانی

پاکستان کرکٹ بورڈ کے چیئر مین رمیز راجاکی کراچی میں سابق کرکٹرز کے ساتھ ملاقات کی دلچسپ اندرونی کہانی منظر عام پر آگئی۔

ذرائع کا کہنا ہے کہ ایک سابق ٹیسٹ کرکٹر نے رمیز راجا کوپاکستانی ٹیم کی سلیکشن میں ہونے والی بے قاعدگیوں اور میرٹ کو نظر انداز کرنے پر اپنے شدید تحفظات ظاہر کیے ہیں، ساتھ ہی کچھ نے مفت علاج کا مطالبہ کیا ہے جب کہ ڈپارٹمنٹل کرکٹ کے موضوع کو رمیز راجا نظر انداز کرگئے۔

ایک کرکٹر نے کراچی ہائی پرفارمنس سینٹر میں انگلینڈ سے سابق ٹیسٹ کرکٹر شاہد محبوب کو بلا کر ملازمت دینے پر اعتراض کیا جب کہ کراچی میں موجود کرکٹرز اقبال قاسم اور سکندر بخت نے میٹنگ میں شرکت نہیں کی۔

پی سی بی کرکٹ کمیٹی کے سابق چیئرمین اقبال قاسم نے کہا کہ مجھے ایک واٹس ایپ کے ذریعے مدعو کیا گیا تھا، میری سنیارٹی کو نظر انداز کرکے کسی نے فون کرنے کی زحمت نہیں کی۔

عینی شاہدین کے مطابق ملاقات کرنے والوں میں کچھ کرکٹرز بورڈ کے ملازم تھے اور کچھ ملازمت چاہتے تھے، ایک کرکٹر نے کراچی کے اسپورٹس آرگنائزر پر اعتراض کرتے ہوئے کہا کہ اگر کسی کو سندھ کی ٹیم میں آنا ہے تو اس آرگنائزر کی ٹیم کو جوائن کرنا لازمی ہے۔

ملاقات میں ماضی کے عظیم بیٹسمین جاوید میاں داد، سابق کپتان وسیم باری کے علاوہ کئی ٹیسٹ اور کچھ فرسٹ کلاس کرکٹرز موجود تھے، کراچی میں ہونے والی ملاقات میں وہ اپنی پالیسیوں کے بارے میں کرکٹرز کو اعتماد میں لینا چاہتے تھے۔

رمیز راجا نے کرکٹرز سے کہا کہ اس وقت ہمارے پاس 250 کرکٹرز ملازم ہیں، آپ میں سے کوئی پی سی بی جوائن کرنا چاہتا ہے تو ہاتھ اٹھائے۔

ذرائع کا کہنا ہے کہ رمیز راجا نے ایک کھلاڑی کے یوٹیوب چینل پر ان کے انداز پر شدید تحفظات دکھائے، سابق ٹیسٹ کرکٹر تنویر احمد نے ملاقات کے بعد اپنے وی لاگ میں کہا میں کرکٹ بورڈ میں نہیں آسکتا کیوں کہ وہاں میرٹ کا سسٹم نہیں ہے، میں کرکٹ بورڈ میں کام نہیں کرنا چاہتا میرا ان سے ذاتی اختلاف نہیں۔

LEAVE A REPLY

Please enter your comment!
Please enter your name here

Must Read

پاکستان کی ساکھ خراب کرنے والوں کے شر سے محفوظ رہنے کی ضرورت

اداریہ پاکستان میں الزام تراشیوں سے مخالف کو زچ کرنے کا عمل بہت پرانا ہے تاہم اب...

گجرات ڈویژن اور حافظ آباد کی عوام کا فیصلہ؟

تحریر؛ راؤ غلام مصطفیوزیر اعلی پنجاب چوہدری پرویز الہی نے گجرات کودسویں ڈویژن کا درجہ دینے کی منظوری کے بعد باقاعدہ...

عالمی معیشت میں خاندانی کاروبار

تحریر؛ اکرام سہگلدنیا بھر میں خاندانی فرموں کا غلبہ اب اچھی طرح سے قائم ہے: عوامی طور پر تجارت کی جانے...

گجرات ڈویژن اور انسانی ہمدردی

تحریر؛ روہیل اکبرگجرات پنجاب کا 10واں ڈیژن بن گیاجس سے وہاں کے لوگوں کو سہولیات ملیں گے اب انکا اپنا نظام...

ملک بھرمیں PTCL کی انٹرنیٹ سروسز متاثر

لاہور(سٹاف رپورٹر)ملک بھر میں پی ٹی سی ایل کی سروسز ڈاؤن ہو گئیں۔ پی ٹی سی ایل...