Home پاکستان بشریٰ بی بی کی مبینہ آڈیو لیک کی تحقیقات، درخواست قابل سماعت...

بشریٰ بی بی کی مبینہ آڈیو لیک کی تحقیقات، درخواست قابل سماعت ہونے پر فیصلہ محفوظ

اسلام آباد ہائیکورٹ نے سابق وزیراعظم عمران خان کی اہلیہ بشری بی بی اور پی ٹی آئی کی سوشل میڈیا ٹیم کے سیکرٹری ارسلان خالد کی مبینہ آڈیو لیک کی تحقیقات سے متعلق درخواست قابل سماعت ہونے پر فیصلہ محفوظ کر لیا۔

قائم مقام چیف جسٹس اسلام آباد ہائیکورٹ جسٹس عامر فاروق نے شہری کی جانب سے بشریٰ بی بی اور ارسلان خالد کی مبینہ آڈیو لیک کی تحقیقات سے متعلق درخواست پر سماعت کی۔

جسٹس عامر فاروق نے استفسار کیا کہ ایک آڈیو لیک ہوئی ہے آپ چاہتے ہیں ہم تفتیش کریں؟ کیا اسلام آباد ہائیکورٹ کا کام ایک تفتیشی کا ہے؟ کیا آپ اس آڈیو میں متاثرہ فریق ہیں؟

قائم مقام چیف جسٹس اسلام آباد ہائیکورٹ نے ریمارکس دیے کہ دو پرائیویٹ لوگوں کی گفتگو پر عدالت رِٹ کیسے جاری کرے؟ آڈیو لیک سے جو متاثر ہوئے کیا انہوں نے کسی فورم پر کوئی درخواست دی؟ جب ایسی رِٹ ڈرافٹ کریں تو سوچ سمجھ کر کیا کریں۔

وکیل درخواست گزار نے کہا کہ یہ ایک پورا سمندر تھا جس کو درخواست میں لکھا ہے، جس پر جسٹس عامر فاروق نے کہا کہ یہ سمندر ہے یا گلیکسی، ہمیں اس سے غرض نہیں ہے، اس میں پورا پاکستان آ جائے گا، کیا ہم بیٹھ کر سب پر تفتیش کرتے رہیں؟

اسلام آباد ہائیکورٹ نے درخواست کے قابل سماعت ہونے پر فیصلہ محفوظ کر لیا۔

یاد رہے کہ گزشتہ دنوں بشری بی بی کی ارسلان خالد کے ساتھ گفتگو کی ایک مبینہ آڈیو لیک ہوئی تھی جس میں چیئرمین پی ٹی آئی کی اہلیہ ارسلان خالد کو سیاسی مخالفین کے خلاف غداری کا بیانیہ اپنانے کا کہہ رہی تھیں۔

LEAVE A REPLY

Please enter your comment!
Please enter your name here

Must Read

انتہائےشہادت امام حسین۴

تحریر: رخسانہ اسد لاہور شاہ است حسین، بادشاہ است حسین……دین است حسین، دین پناہ است حسین……سردادنداددست دردست...

نوشہرہ: گاڑی پر فائرنگ سے پی ٹی آئی رہنما اور ان کے بھائی زخمی ہوگئے

نوشہرہ میں پاکستان تحریک انصاف (پی ٹی آئی) کے رہنما معتصم باللہ کی گاڑی پر فائرنگ سے وہ خود اور ان...

ایم کیو ایم وفاق اور سندھ حکومت سے پھر ناراض، پالیسی پر نظر ثانی کا مطالبہ

متحدہ قومی موومنٹ (ایم کیو ایم) پاکستان نے وفاقی اور سندھ حکومت سے ناراضی کا اظہار کردیا۔

کراچی: مضر صحت کھانا کھانے سے 2 بچے جاں بحق، والدین کی حالت خراب ہوگئی

کراچی کے علاقے جوہر آباد میں گھر میں مبینہ طور پر مضر صحت کھانا کھانے سے 2 بچے جاں بحق جب...

اینہاں دا کاں تے چٹا ای رہنااے

روداد خیال : صفدر علی خاں اپنے اخبار کی اشاعت کا تسلسل جاری رکھنے کی خاطر سرگرم...