اسپیس ایکس اور ٹیسلا کے سربراہ ایلون مسک نے حال ہی میں ٹوئٹر پر صحافت سے متعلق اپنی رائے کا اظہار کیا۔
ٹوئٹس کی ایک سیریز میں مسک نے صحافت کی اپنی تعریف شیئر کرتے ہوئے کہا کہ ‘صحافت میں 99 فیصد ایسا ہوتا ہے کہ انٹرنیٹ پر کسی دوسرے کی کہانی پڑھ کر اس میں تھوڑی بہت تبدیلی کرکے شائع کردیا جاتا ہے’۔
99% of journalism is reading someone else’s story on the Internet, changing it up a little & pressing send
— Elon Musk (@elonmusk) July 27, 2022
ایلون مسک نے لکھا ‘عجیب بات یہ ہے کہ اب بھی کچھ پبلیکیشنز ہاؤسز روزانہ کی بنیاد پر لاکھوں کاغذی کاپیاں چھاپتے ہیں’۔
ایلون سے ایک ٹوئٹر صارف نے سوال کیا کہ ‘جب آپ بچے تھے، تب آپ نے کبھی اخبارات بانٹے ہیں؟’
When you were a kid, did you ever deliver newspapers?
— Gail Alfar (Texas) (@GailAlfarATX) July 27, 2022
انہوں نے طنزیہ جواب دیا ‘جی ہاں، لیکن میں نے 8 ہزار سال پہلے اخبار بانٹے تھے’۔
واضح رہے کہ یہ ٹوئٹس اس وقت سامنے آئیں جب مسک کے حوالے سے خبریں سامنے آئیں کہ ان کے گوگل کے شریک بانی سرگئی برن کی اہلیہ نکول شاناہان کے ساتھ قریبی تعلقات ہیں تاہم مسک نے ان خبروں کی تردید کی اور برن کو صرف دوست قرار دیا۔
